O voluntariado é, en moitas ocasións, o punto forte das asociacións. Son eles os que co seu traballo desinteresado axudan
ás persoas a potenciar as súas capacidades, fomentando a súa autonomía e independencia e garantindo a súa participación social e integración.
Por este motivo ACHEGA levará a cabo actividades dirixidas a esta poboación tales como:
-
Formación básica en
voluntariado: levaranse a cabo xornadas teóricas dirixidas a mozos e mozas nas cales se pretende introducir aos/as participantes no concepto de voluntariado e coñecer o marco legar e ético da
acción voluntaria.
-
Formación específica
en voluntariado e discapacidade: dirixido a mozas e mozos. É condición imprescindible realizar previamente a formación básica en voluntariado. Esta formación englobará unha parte teórica e
outra práctica. A formación na súa parte teórica pretende dotar de ferramentas educativas e de ensinanza, así como de coñecementos sobre a discapacidade. A formación na súa parte práctica
consistirá na participación dos voluntarios nas actividades levadas a cabo pola asociación ACHEGA durante o tempo acordado co voluntario.
-
Voluntariado en
ACHEGA: unha vez finalizada a formación básica e específica, os voluntarios poderán continuar participando nas actividades da asociación ACHEGA.
-
Sensibilización
e concienciación: A través da formación e a participación na nosa asociación, pretendemos dar a coñecer dende
outro punto de vista a discapacidade, identificar os obstáculos e detectar as necesidades das persoas que padecen unha discapacidade, así como dotar aos/as mozos/as de ferramentas para
transformar a situación actual e participar nas campañas de sensibilización de toda a comunidade.